Les mots surlignés font l'objet d'une note
1Monseigneur, j’ay receu votre responce que voz a pleu me fère de Granne
2sur la lettre que je vous avoys escript, et vous remercie très humblement
3votre bonne volenté que me présentés et que j’ay toujours congneu,
4que me portés sans que je l’aye peu mériter par effect, pour ne
5vous avoir peu fère service comme je doibz et désire fère, ce que
6pourrés expérimenter quand vous plaira me commander ; vous supplie
7de continuer votre bonne volenté en mon endroict. Au surplus, Monsieur,
8j’ay ung procès à Grenoble sur le point de le juger devant
9messegneurs de parlement en la première chambre, contre ung de
10mes subjectz de Pradelles bien turbulant et vicieulx, lequel,
11combien que je ne luy aye oncques donné occasion, a dict beaulcoup de
12maulvaises choses de moy, dequoy pourrés estre adverty, si vous
13plaict le savoir, par ceulx que poursuivent et font pour moy, lesquelz le
14pourteur de la présente vous nommera ; et voyant que je l’en ay tiré en
15cause criminellement, et craignant le chastiement, il a corrompu et
16faict varier les tesmoings de la vérité, au moingtz en partie,
17et nye avoir jamès parlé de moy en maulvaise part, comme
18du tout appert par le procès par lequel aussi appert
19que les officiers de la justice de Dye l’ont grandement favorisé
20au préjudice de mon commissère qu’en a informé, et de mon chastelain
21présent à l’examen, et de moy aussi contre tout debvoir, et si
22évidamment que j’ay esté contraint de les récuser ; sur quoy il
23a pleu à ladite cour retenir la cause à soy, ayant bien cogneu les
24justes causes de récusation. Et non contant de cella,
25mondit subject, nommé Claude Aubert, a recherché par tous
26moyens et surprinses de me nuyre audit procès et aultres
27endroictz qu’il a peu, jusques à soy vanter de me ruyner si
28pouvoit ; et combien que je m’asseure que mesdits segneurs de
29la court cognoistront la vérité et ma juste cause et qu’ilz me
30feront bonne justice, ce nonobstant, je vous supplie très humblement,
31Monseigneur, me voloir fère ce bien d’en parler ou mander à mesdits segneurs
32[v] qu’il leur plaise me conserver et garder mon droict et bonne renommée,
33et semblablement dudit greffier commissère et de mon chastelain,
34et mesmes à monsieur de Virieu, qui en est rapporteur, pour en bien
35informer mesdits segneurs de la cour. Et pour fin, je vous
36randray et à mesdits segneurs, toute ma vye, hobéissance, honneur,
37service, et vous présente mes très humbles salutations, et prie
38Dieu vous donner,
39Monsieur, telle santé, prospérité et contentement que pouvés désirer.
40Escripte à votre maison d’Eurre, ce premier jour de novembre 1572.
41Votre très humble et plus hobéyssant serviteur.
42Brette
43Je vous supplie, Monsieur, et à mesdits segneurs de la cour, de ne trouver
44maulvais la poursuitte que je suis contraint fère par justice
45audit procès, que l’on extime de petite importance et occasion comme
46j’ay entendu, car je ne puis moingtz fère pour maintenir mon honneur
47et réputation qu’il a vollu contre tout debvoir et vérité diminuer par lesdites
48parolles, combien qu’il le nye à présent comme dict est, dequoy je ne
49voldrois estre colpable, plustost perdre la vye, ne d’avoir
50employé faulx temoinaige comme il advance au procès ; et à celle fin
51que les temoingz ne puissent déclarer la cause de leur variétté
52procédée par son moyen, comme je pense, je cuyde qu’il les a faict
53évader et absenter de ceste province, hormis ung, craignant qu’ilz
54l’acusent à la question, laquelle je croy leur seroit bailhée.
55Et celuy qui est à Grenoble a soubstenu, comme appert au procès que
56l’on luy a présenté d’argent de la part dudit Aubert pour soy desdire
57et varier de sa dépposition, ce qu’il n’a vollu fère, comme il soubstiendra
58par devant mesdits segneurs. Et quant aulx aultres, je ne les aye
59peu fère saisir, causant leurdite absence, comme je faiz apparoir
60par bons actes à mesdits segneurs.